Du må være innlogget for å få tilgang til alle nyheter! Logg inn eller opprett brukerkonto.

Korpset vil bruka den gamle kyrkja til øvingslokale

Korpset vil bruka den gamle kyrkja til øvingslokale

Kyrkjelyden på Ålgård kjem truleg ikkje å ha bruk for den gamle kyrkja når utvidingsdelen i den nye kyrkja står klar. FOTO: Kristine M. Stensland

Den gamle kyrkja på Ålgård står truleg for fall om ingen vil bruka ho. Ålgård skolekorps kan bli redninga.

Tekst:

Publisert:

Gjesdal kommune er for tida på jakt etter nokon som kan tenka seg å bruka den gamle kyrkja på Ålgård. Om ingen ønskjer å fylla lokalet med aktivitet, kan rådmannen koma til å gå inn for riving.

Ålgård skolekorps har meldt interesse.

– Me ser føre oss kyrkja som øvingslokale. No øver me på det gamle fotball-loftet som skal rivast om ikkje så veldig lenge. Kyrkja er også ein fin arena for konsertar. Me skal ha julekonsert der i desember, seier styreleiar Annbjørg Sekkenes.

Styret har førebels ikkje sett på kva kostnadar dei vil få om dei tek i bruk kyrkja til øving på fast basis.

– Me ønskjer å øva der, men ikkje for ein kvar pris. Me har ikkje råd til å bruka ein formue.

Sekkenes fortel at korpset har 15 medlemmar.

– Det har vore ganske dårleg rekruttering i det siste. Men me har starta eit nytt korpsprosjekt på skulane som me håper at skal hjelpa. No har me det på Figgjo og Ålgård, og etter jul skal me starta opp på Solås og Bærland. Totalt har 32 elevar meldt seg på, og så får me sjå kor mange som blir med vidare.

Nyheter fra andre aviser

Do NOT follow this link or you will be banned from the site!